‘आँखामा मधुपर्क, हृदयमा बन्दिपुर’ भन्ने नारा दिँदै नेपालको पुरानो साहित्यिक मासिक’ मधुपर्कले तनहुँको बन्दिपुरमा ‘राष्ट्रिय सिर्जना सम्मेलन’ सम्पन्न गरेको छ। 
२०८१ फागुन १३ गते दुई सत्रमा आयोजित उक्त कार्यक्रममा हुम्लाबाट आएका कवि डबल बहादुर महतारी, झापाबाट आएका टीका भट्टराई नेपाल र गीता सुवेदी, रुपन्देहीबाट आएका तिलक लामिछाने र यज्ञलाल सुबेदी, गोरखाबाट आएका नारायणप्रसाद पोखेल, चितवनबाट आएका मुकुन्द पौडेल, दमौलीबाट आएका सागर उदासलगायत राजधानीबाट बन्दिपुर आएका करीब ४० कविहरूले भाग लिएका थिए।
बन्दिपुरमै जन्मेका वरिष्ठ कवि द्वारिका श्रेष्ठ र बन्दिपुरका अन्य व्यक्तित्वहरूको सम्मान गरी नगर परिक्रमा गराइएको थियो भने गोरखापत्र संस्थानका कार्यकारी अध्यक्ष विष्णुप्रसाद सुवेदी, महाप्रवन्धक लालबहादुर ऐरी, गोरखापत्रका प्रधान सम्पादक शिवकुमार भट्टराई, दी राइजिङ नेपालका प्रधान सम्पादक भीमसेन थपलिया, मधुपर्कका नि. सम्पादक त्रिभुवन चन्द्र वाग्ले आदि पदाधिकारीहरूको सक्रिय सहभागिता थियो। उहाँहरू सबैले मञ्चबाट मधुपर्कले बन्दिपुर विशेषाङ्क प्रकाशित गर्ने घोषणा गरे ।
बन्दिपुर गाउँपालिकाको प्रायोजनमा गोरखापत्र संस्थान र श्री पदम पुस्तकालयद्वारा आयोजना गरिएको सो सम्मेलनमा चार बुँदे ‘बन्दिपुर घोषणापत्र’ पनि जारी गरिएको थियो।
साभार: शबदपथ।