जनसम्पर्क टाेखा नगरपािलका उत्कृष्ठ
काठमाडौं, वैशाख ९ गते शनिबार,
कल्पलता द्वैमासिकको आयोजना तथा टोखा नगरपालिकाको सहकार्यमा संचालित दुई दिवसीय ‘जनसम्पर्क तथा प्रस्तुतीकरण प्रशिक्षण कार्यक्रम’ शनिबार समापन भएको छ ।
टोखा नगरपालिका वडा नम्बर ९ को सभाहलमा आयोजित समापन कार्यक्रममा टोखा नगरपालिकाका प्रमुख प्रकाश अधिकारीले सहभागीहरूलाई प्रमाण-पत्र प्रदान गर्नुभयो । कार्यक्रमलाई सम्बोधन गर्दै कार्यक्रमका प्रमुख अतिथि तथा नगरप्रमुख अधिकारीले प्रशिक्षणमा प्रदान गरिएका ज्ञान र सीपलाई व्यवहारमा लागू गर्न सक्नुपर्ने बताउनुभयो । समाज रुपान्तरणका लागि यस्ता कार्यक्रम ज्यादै उपयोगी भएकोले अन्य वडाहरूमा समेत कार्यक्रम लिएर जाने उद्देश्य पूरा गर्ने प्रतिबद्धता उहाँले व्यक्त गर्नुभयो ।
कल्पलता द्वैमासिकका संरक्षक नरबहादुर बिसीको सभाअध्यक्षतामा सम्पन्न भएको समापन कार्यक्रमको संयोजन तथा सञ्चालन कल्पलता द्वैमासिकका प्रकाशक रेणु अधिकारी ‘मौनता’ले गर्नुभएको थियो । कार्यक्रममा डा.दामोदर पुडासैनी ‘किशोर’, टोखा नगरपालिका वडा नम्बर ९ का अध्यक्ष रामभक्त घिमिरे, टोखा नगरपालिका वडा नम्बर ९ का पूर्व अध्यक्ष जेपी नेपाल, साहित्यकार एचके धिताल, साहित्यकार कृष्णदेव रिमाल, साहित्यकार माधव बिडारी ‘चेतनपथ’, कवि दीपक लोहनी, साहित्यकार उत्तम भेटुवाल, वडा सदस्य सायरा परियार लगायतले आ-आफ्ना धारणा राख्नुभएको थियो ।
दुई दिनसम्म सञ्चालन भएको प्रशिक्षण कार्यक्रममा टोखा नगरपालिकाका प्रमुख प्रकाश अधिकारी, वडा अध्यक्ष तथा सदस्यहरू, टोखा क्षेत्रमा बसोबास गर्ने साहित्यकारहरू, विभिन्न सामाजिक संघसंस्थाका प्रतिनिधिहरू लगायत ९० जना भन्दा बढी सहभागीहरूले सक्रिय सहभागिता जनाउनुभएको थियो । सहभागीहरूलाई साहित्यकार तथा आर्थिक मामिला विज्ञ डा. दामोदर पुडासैनी ‘किशोर’ले प्रशिक्षण दिनुभएको थियो ।
साथै उक्त प्रशिक्षण कार्यक्रम शुभारम्भका अवसरमा शुक्रबार आयोजित कार्यक्रमको सभापतित्व कल्पलताका संरक्षक नरबहादुर बिसीले गर्नुभएको थियो भने कार्यक्रममा टोखा नगरपालिकाका प्रमुख प्रकाश अधिकारी प्रमुख अतिथि रहनुभएको थियो । साथै कार्यक्रमको संयोजन तथा सञ्चालन प्रकाशक रेणु अधिकारी मौनताले गर्नुभएको थियो भने सहित्यकार तारा के.सी. ले स्वागत मन्तव्य र वडा नम्बर ९ का अध्यक्ष रामभक्त घिमिरेले धन्यवाद मन्तव्य राख्नुभएको थियो । साथै कार्यक्रमलाई सफल बनाउन संसाक मासिकका प्रधान संपादक तथा साहित्यकार उमेश पाण्डेले विशेष सहयोग गर्नुभएको थियो।